Kryeministri në detyrë, Albin Kurti, mori pjesë në darkën lamtumirëse për gjeneral majorin Enrico Barduani, që po e përfundon misionin e tij si komandant i KFOR’it. Aty ishin të pranishëm edhe ambasadorë të QUINT’it.
“Kryeministri në detyrë i Republikës së Kosovës Albin Kurti mori pjesë mbrëmë në darkën lamtumirëse të mbajtur në rezidencën italiane me rastin e përfundimit të misionit të komandantit të KFOR-it, Gjeneral Major Enrico Barduani.”
Kurti e ka falënderuar Barduanin për bashkëpunimin dhe i ka shprehur mirënjohje për angazhimin dhe përkushtimin e tij.
“Kryeministri Kurti falënderoi Gjeneral Majorin Barduani për bashkëpunimin e vazhdueshëm ndërmjet institucioneve të Republikës së Kosovës dhe misionit të NATO-s në Kosovë dhe për kontributin e tij për siguri dhe paqe. Duke i shprehur mirënjohje për angazhimin e përkushtimin e tij si komandant i KFOR-it, kryeministri i uroi suksese në detyrat e tij të radhës.”
Darka u mbajt në rezidencën italiane.
Në krye të KFOR’it do të vjen gjeneral majori turk Ozkan Ulutash.