314
Policia e Tiranës ka arrestuar një person me rrezikshmëri të lartë, i cili ishte shpallur në kërkim që në janar të vitit 2024.
Në pranga ka rënë Jaser Shaba 25-vjeç i cili u prangos në afërsi të Selitës së bashku me shokun e tij Gert Haxhija, ky i fundit nën dyshimin se e kishte ndihmuar t’i fshihej drejtësisë.
Shaba ishte në kërkim pasi akuzohet se prodhonte mina me telekomandë dhe më pas ia shiste grupeve kriminale.
Ai në janar të 2024 u shpall në kërkim, ndërkohë në pranga në atë kohë ra vëllai i tij Jesar Shaba.