Raundi i dytë i zgjedhjeve, nis dërgimi i pakove të votimit jashtë Kosovës

Komisioni Qendror i Zgjedhjeve ka bërë të ditur se ka nisur procesi i dërgimit të pakove të votimit në disa shtete, për raundin e dytë të zgjedhjeve lokale.

Siç njofton KQZ-ja, shërbimet postare do t’i dorëzojnë pakot tek votuesit e regjistruar, në adresat që ata kanë dhënë gjatë procesit të regjistrimit.

Pako e cila i dërgohet votuesit, përmban:

• udhëzuesin si të votohet;
• fletëvotimin;
• zarfin e fshehtësisë ;
• zarfin kthyes ;
• shiritin mbyllës.