James Rubin, ish-Nënsekretar i Shtetit dhe krahu i djathtë i Madeleine Albrihght, ka nisur dhënien e dëshmisë si dëshmitar i mbrojtjes së Hashim Thaçit, duke u kthyer që nga kohët e hershme të angazhimit amerikan në Ballkan gjatë shpërthimit të luftërave në ish-Jugosllavi.
Rubin kujtoi se në Kosovë për herë të parë kishte ardhur gjatë kohës së luftës në Kroaci dhe në Sarajevë – dhe se “të vetëdijshëm që konflikte të tilla mund të shtriheshin përtej”, tha se ka vizituar Kosovën dhe është takuar “një apo dy herë” me ish-Presidentin Ibrahim Rugova.
“Kam vizituar në periudhë 1991, 1992, 1993, përpara luftës Kroaci-Serbi, dhe më pas kam vizituar Sarajevën gjatë sulmeve po ashtu dhe gjatë luftës në Bosnje. Kam qenë në disa qytete dhe po ashtu në fund fare kam shoqëruar senatorin Biden në pranverën e vitit 1993.
Gjatë luftërave në atë kohë në Kroaci, Serbi, Bosnje, këto kanë qenë fokuset, vendet përkatëse. Duke qenë të vetëdijshëm që konfliktet e tilla mund të shtriheshin më tej ne e kuptuam që ajo që po ndodhte në Kosovë ishte e rëndësishme. E kam vizituar Prishtinë 2-3 herë, jam takuar një herë apo dy herë me Rugovën”, tha Rubin.