Moska akoma nuk ka kthyer përgjigje zyrtare ndaj propozimit të Uashingtonit për armëpushim, i cili do të ndalonte luftën për 30 ditë.
Por sipas dy burimeve të njohura me këtë çështje – dhe të cituara nga agjencia e lajmeve Reuters – Kremlini ka dhënë një listë kërkesash.
Zyrtarët nga të dyja palët kanë diskutuar kushtet gjatë tre javëve të fundit, thanë ata.
Nuk është e qartë se çfarë saktësisht ka përfshirë Rusia në listën e saj, por burimet i përshkruan termat si të gjerë dhe të ngjashëm me atë që ka paraqitur më parë.
Këto kërkesa përfshinin:
Asnjë anëtarësim në NATO për Kievin;
Një marrëveshje për të mos vendosur trupa të huaja në Ukrainë;
Dhe njohja ndërkombëtare e pretendimit të Vladimir Putin ndaj Krimesë dhe katër provincave të Ukrainës.
Disa zyrtarë amerikanë kanë frikë se Putini, një ish-oficer i KGB-së, do të përdorte një armëpushim për të intensifikuar përpjekjet për të ndarë SHBA-në, Ukrainën dhe Evropën dhe për të minuar çdo bisedim.