Shkup, 7 nëntor – Për shumëkënd, kjo është pamja e parë – pra, përshtypja e parë për Shkupin: stacioni kryesor i autobusëve. Por në vend që t’i presë me një pamje të rregullt dhe moderne, turistët dhe të gjithë udhëtarët që e përdorin çdo ditë këtë stacion përballen me mbeturina, erë të pakëndshme dhe kaos të krijuar nga taksistët e paligjshëm që rrethojnë pasagjerët sapo zbresin.
Në fasadën e ndërtesës qëndron një orë e vjetër, e cila prej pesë vitesh tregon të njëjtën orë, si simbol i stagnimit dhe neglizhencës që mbretëron në këtë hapësirë — sikur koha të ketë ndalur në të kaluarën, kur kujdesi për çdo detaj ishte më i madh.
Ndërkohë që shërbimet komunale organizojnë aksione pastrimi dhe zbukurimi të qytetit, ky pjesë e Shkupit mbetet e harruar. Çdo ditë udhëtarët kalojnë nëpër trotuare të amortizuara, ndriçim jofunksional dhe një ambient që nuk i ngjan aspak një kryeqyteti europian.
Pamja që marrin turistët që në hapin e parë në Shkup është, për fat të keq, larg imazhit të një metropole moderne europiane.