Një studim i fundit nga Ohio State University sfidon idenë e mëparshme se shfryrja e inatit mund të ndihmojë në pakësimin e tij.
Analizimi i 154 studimeve për zemërimin gjeti fare pak të dhëna për të mbështetur idenë e katarsisit apo çlirimit të inatit. Madje, në disa raste, shfryrja e inatit mund të shtojë ndjesinë e zemërimit.
Autori Brad Bushman thekson rëndësinë e reflektimit kur zemërohesh. Ai thotë se shfryrja mund të mos funksionojë, por të kuptuarit pse zemërohemi mund të na ndihmojë të kuptojmë dhe sqarojmë problemet. Ky proces ndihmon vlerësimin emocional që është një hap i parë i rëndësishëm në përpunimin e shëndetshëm të emocioneve.
Sipas Bushman, ”për të pakësuar inatin, duhet të përfshihesh në aktivitete që ulin nivelet e tij”.
Ekipi mori në konsideratë boksin, çiklizmin, vrapin e lehtë, frymëmarrjen e thellë, meditimin dhe jogën. Rezultoi se aktivitetet qetësuese vepronin si në mjedisin laboratorik, ashtu edhe në jetën e vërtetë.
Joga e ngadaltë, praktikat e meditimit,relaksimi i muskujve apo frymëmarrja diafragmatike ishin forma më e mirë.
Studimi sugjeron se metoda më e mirë është klasikja: një pushim ose numërimi deri në 10.