Kumanovë, 18 prill – Projekt tjetër i rëndësishëm infrastrukturor në qytetin e Kumanovës është në realizim e sipër, që përmes kësaj dëshmojmë edhe përkushtimin tonë për zhvillim të barabartë dhe mbështetje për komunat.
Fjala është për investimin që do të bëhet në Zonën Industriale të Kumanovës, projekt ky i financuar përmes thirrjes së parë të Qeverisë VLEN për ndarjen e mjeteve për njësitë e vetëqeverisjes lokale.
Ky projekt strategjik pritet të krijojë mundësi për hapjen e mijëra vendeve të punës përmes bizneseve që do të operojnë në këtë zonë industriale.
Projekti parasheh:
• Ndërtimin e rrjetit të ujësjellësit
• Kanalizimin atmosferik dhe fekal
• Vendosjen e rregullave të trafikut në rrugët e brendshme
• Vendosjen e ndriçimit publik
Vlera e përgjithshme e investimit kap shifrën prej 211 milionë denarësh.
Kjo është një dëshmi konkrete se si qeverisja jonë e mirë funksionon në praktikë duke ndihmuar çdo qytetar, pa dallim, dhe duke investuar në të ardhmen e qëndrueshme të komunave në tërësi e në veçanti atyre shqiptare.