Shkup, 24 korrik – Temperaturat e larta po vazhdojnë të vështirësojnë shuarjen e vatrave të zjarrit në fshatra të komunave të caktuara. Sipas Qendrës për Menaxhim me Kriza numër më i madh i vatrave të zjarrit paraqiten në Komunën Makedonski Brod ku tashmë janë përfshirë disa vendbanime si: Lokvicë, Krapë, Greshnicë, Latovë dhe fshati Creshnevë. Gjithashtu zjarre aktive ka në komunat: Vasilevë, Radovish, Berovë, Prilep dhe Zhelinë, ndërmjet fshatrave Cerovë dhe Grupçin;
Nga Qendra për Menaxhim me Kriza bëjnë të ditur se nën kontroll janë tre zjarre në komunën e Prilepit, Makedonski Brodit dhe Shtipit.
QMK
- Komuna Prilep – ndërmjet fshatrave Careviq dhe Smollanë, vendi i quajtur Kodra e Radobilit (pyll i përzier dhe vegjetacion i ulët)
- Komuna e Brodit – fsh. Latovë, vendi i quajtur Markova Stapallka (shkurre dhe bar i thatë)
- Komuna Shtip – fshatrat Dragojevë dhe Sellcë (pyll i ulët, drizë dhe bar i thatë)
Po ashtu, nga Qendra për Menaxhim me Kriza kanë informuar se plotësisht të shuara janë 2 zjarre. Një në Komunën Çuçer Sandevë dhe një tjetër në Komunën e Kumanovës, në fshatin Reçicë.