PS6 mund të ketë performancë tri herë më të mirë se PS5

Pas pesë vitesh nga dalja e PlayStation 5, thashethemet për PlayStation 6 po shtohen gjithnjë e më shumë.

Një video e re nga kanali “Moore’s Law is Dead” tregon se PS6 mund të ofrojë trefish performancën e rendërimit 3D krahasuar me PS5-në bazë.

Konsola pritet të ketë kompatibilitet me lojërat e PS4 dhe PS5, dhe mund të dalë në treg me një çmim fillestar prej 499 dollarësh.

Sony thuhet se është duke punuar edhe në një pajisje portative që do të plotësojë PS6, e cila mund të ketë edhe ekran me prekje dhe mbështetje për SSD M.2.

Sipas të dhënave të rrjedhura, prodhimi mund të nisë në mesin e vitit 2027, me një lëshim të mundshëm në fund të vitit 2027 ose fillim të 2028-ës.

Megjithatë, asgjë nuk është zyrtarizuar ende nga Sony. /