Shkup, 13 tetor – Kryeministri, Hristijan Mickoski tha sot se pas zgjedhjeve lokale do të dihet se çfarë masash do të ndërmerren për pastrimin e sistemit gjyqësor dhe prokurorial.
Ai tha se gjyqtarët me një vlerësim prej dy përqind duhet të shkojnë në shtëpi.
“Le të presim të mbarojnë zgjedhjet lokale dhe do të shihni se çfarë hapash do të ndërmarrim. Me një vlerësim prej dy përqind, ata duhet të shkojnë në shtëpi, dhe jo të kërkojnë paga më të larta dhe një buxhet më të lartë. Jo të gjithë janë të tillë, të jemi të qartë, ka disa horra atje që ndotin të gjithë prokurorinë dhe gjyqësorin.
Nëse do të kisha një vlerësim prej dy përqind, do të largohesha, nuk do të bëja atë që bëj”, tha Mickoski pas një takimi me përfaqësuesit e Odës Ekonomike të Maqedonisë Veri-Perëndimore, si pjesë e fushatës zgjedhore.
Kryeministri më parë ka njoftuar disa herë se pas zgjedhjeve lokale do të ndërmerren veprime vendimtare për të pastruar sistemin gjyqësor dhe prokurorial.