81
Ministria e Mjedisit, Planifikimit Hapësinor dhe Infrastrukturës ka njoftuar se është nënshkruar vendimi për mbrojtje paraprake të zonës “Mali Mokna dhe Liqeni i Ujmanit”.
Ky vendim, i nënshkruar nga ushtruesi i detyrës së ministrit, Hysen Durmishi, e shpall këtë zonë me sipërfaqe prej 192.19 km² si pasuri të veçantë natyrore me biodiversitet të lartë dhe rëndësi të madhe ekologjike.
Me këtë hap, përqindja e territorit të Kosovës nën mbrojtje ligjore rritet në 12.4%, duke e renditur vendin me mbrojtjen më të lartë të natyrës në Ballkanin Perëndimor.
Vendimi konsiderohet një arritje e rëndësishme drejt ruajtjes së trashëgimisë natyrore dhe zhvillimit të qëndrueshëm.