306
Opozita prej rreth një ore ka nisur protestën e radhës para Bashkisë së Tiranës, duke kërkuar sërish dorëheqjen e Erion Veliajt, të cilin e akuzojnë si të lidhur me skemën korruptive “5D”, për të cilën ndodhen pas hekurave disa ish-zyrtarë të institucionit.
Qëllimi i tubimit mbetet i njëjtë me 7 protestat e shkuara, ku simbolikat dhe thirrjet nga Partia Demokratike e Rithemelimit dhe Partia e Lirisë janë kundër Veliajt.
Gardhi prej çeliku që qëndron mes kordonit të policisë dhe protestuesve është sofistikuar, pasi janë vendosur blloqe betoni për të penguar shkuljen e tij si në herët e kaluara.
Protesta ka agravuar në momentin kur nga Bashkia u ndërpre energjia elektrike që nxori foninë jashtë funksionit.