Pasi dorëheqja e parevokueshme e kryeministrit Millosh Vuçeviç rrëzoi Qeverinë e Serbisë, presidenti Aleksandër Vuçiç tha në një fjalim tjetër të jashtëzakonshëm se së shpejti do të njoftojë nëse do të mbajmë zgjedhje të reja. Nëse nuk merr një vendim të tillë, ai pretendon se tashmë janë disa kandidatë nga të cilët do të zgjedhë një përfaqësues për përbërjen e Qeverisë. Që nga ai moment janë përmendur dy emra dhe sipas bashkëbiseduesve të “Nova.rs”, një kandidat ka më shumë shanse për shkak të opinionit më të vogël.
Në mes të krizës më të madhe shoqërore dhe politike që nga ardhja në pushtet e Partisë Progresive Serbe, dhe pasi anëtarët e forcave të sigurisë SNS, sulmuan dhe rrahën studentët në Novi Sad, kryeministri Millosh Vuçeviç dha dorëheqjen e tij të parevokueshme, duke rrëzuar kështu Qeverinë e Serbisë nëntë muaj pasi u zgjodh . Në ditën e dorëheqjes së Vuçeviçit ishte në seancë Qeveria e Serbisë dhe në seancë mori pjesë edhe Aleksandër Vuçiç. Vuçiç pas seancës tha se pas dorëheqjes së kryeministrit Millosh Vuçeviç do t’i ftojë të gjithë në konsultime për formimin e qeverisë së re dhe se opsion tjetër është të shkohet në zgjedhje të reja, për të cilat “Nova.rs” ka shkruar tashmë. “Nuk do të ketë qeveri tranzitore”, tha Vuçiç. Ai po ashtu ka deklaruar se ka tre-katër emra për mandatin e ri, por se nuk është i sigurt se nuk do të ketë zgjedhje të reja.
Dy emra në lojë
Sapo Vuçeviç dha dorëheqjen të martën, dy emra filluan të përmenden si opsione të mundshme për mandatin e ri për përbërjen e Qeverisë, ministri i Financave Sinisha Mali dhe ai i Punëve të Jashtme Marko Gjuriç. Sinisha Mali u përmend si kandidat për kryeministër vitin e kaluar, kur pati spekulime se kush mund ta pasonte Ana Brnabiç. “Unë jam gjithmonë më i fokusuar në punë dhe rezultate sesa në funksione dhe të gjithë ata që më njohin e dinë shumë mirë”, tha Mali në atë kohë, duke komentuar spekulimet se ai mund të jetë kryeministri i ri. Ministri aktual i Financave është një vidë pa të cilën mekanizmi SNS vështirë se mund të funksionojë, mbi të gjitha në përfundimin e marrëveshjeve të mëdha. Se ai është njeri i besuar nga partia dhe presidenti i vendit, e vërteton edhe audio incizimi në të cilin dëgjohet duke rënë dakord me drejtorin e një ndërmarrje publike për ndarjen e parave për klubin e futbollit “Crvena zvezda”.
“I preferuari” i Amerikës
Një tjetër emër i mundshëm i përmendur si opsion për kryetar të Qeverisë së re të Serbisë është edhe ministri aktual i Punëve të Jashtme, Marko Gjuriç, i cili deri vonë ishte ambasador i Serbisë në Amerikë. Në shkurt të vitit 2023, Vuçiç e cilësoi Gjuriçin si “burim të Serbisë”, dhe ambasadori amerikan në largim në Serbi, Christopher Hill, gjithashtu e lavdëroi atë. “Unë mendoj se ambasadori Gjuriç krijoi dhe vendosi një kurs pozitiv për marrëdhëniet midis Serbisë dhe SHBA-së dhe mendoj se populli serb i detyrohet atij një mirënjohje të madhe për atë që ka arritur këtu,” tha Hill për misionin diplomatik të Marko Gjuriçit në SHBA. Kjo është pikërisht ajo që mbështet tezën që u shfaq në publik vitin e kaluar, se ai është zgjedhja e parë e Amerikës.
Objektivat e Vuçiçit
Duke komentuar dorëheqjen e Vuçeviçit dhe shpalljen e emrave të mundshëm, Dragan Popoviç nga Qendra për Politikë Praktike thotë se për presidentin e Serbisë nuk është shumë e rëndësishme se kush do të jetë sepse qëllimi është qetësimi i protestave. “Arsyeja e vetme që Vuçiç tani kërkon të emërojë dikë në atë pozitë është që ndoshta të ndikojë në qetësimin e protestave, gjë që mendoj se është e pamundur”, thotë Popoviç. Ai i jep përparësi Marko Gjuriçit. “Unë supozoj se për shkak të opinionit të publikut, Gjuriç është ndoshta një kandidat më i sigurt, por ende nuk mund të vlerësoj se cili do të jetë vendimi i presidentit të Serbisë”, tha Popoviç.