Shkup, 29 tetor – Këshilltarët e koalicionit VLEN në Qytetin e Shkupit kanë reaguar ndaj lëshimit të certifikatave për mandatet e këshilltarëve vetëm në një gjuhë, duke e cilësuar këtë si pasojë të neglizhencës së udhëheqësisë së kaluar të Qytetit të Shkupit, të përbërë nga koalicioni BDI–Levica–Danella.
Zekerija Berisha në emër të, këshilltarëve të VLEN-it në Shkup thekson se mosrespektimi i Ligjit për përdorimin e gjuhëve është i papranueshëm dhe se ata kanë ndërmarrë menjëherë hapa për të kërkuar që dokumentet zyrtare të jenë në përputhje me ligjin dhe në dy gjuhë zyrtare.
“Pas reagimit tonë, KKZ ka pranuar kërkesën dhe nesër, në ora 10:00, do të marrim certifikatat e reja në dygjuhësi,” thuhet në njoftimin e këshilltarëve të VLEN-it.
Ata theksojnë se respektimi i gjuhës shqipe është detyrim ligjor dhe vlerë e barazisë, duke shtuar se VLEN mbetet gjithmonë në anën e ligjit, dinjitetit dhe respektit të gjuhës shqipe./ Zyrtare