Për zëvendësministrin e arsimit Lulëzim Aliu, buxheti prej 38 miliardë denarëve për arsim për vitin 2025, është rritje e hatashme. Për këtë rritje ai u lëvdua në emër të koalicionit VLEN, gjersa edhe konferencën për media e mbajti nga zyrat koalicionit, e jo në Ministri. Tregoi po ashtu se për arsimin e mesëm është paraparë rritje e buxhetit në 29 milionë euro. Zëvendësministri Aliu kumtoi edhe mjetet e ndara për Universitetin e Tetovës dhe Universitetin “Nënë Tereza”.
“VLEN ka rritur edhe buxhetin për Universitetin e Tetovës, ku gjatë vitit 2025 janë paraparë 18 milionë euro, derisa buxheti i po të njëjtit universitet gjatë vitit 2024 ishte 12 milionë euro. Pra, kemi rritje për 6 milionë euro për këtë vit. Ky pra është ndryshimi nga plani në terren. Edhe për Universitetin Nënë Tereza për vitin 2025 janë ndarë 4.8 milionë euro, pa përmendur këtu ndërtimin e kampusit që e kemi promovuar si qeveri”, tha Lulëzim Aliu.