Shkup, 14 qershor – Kandidatët për kryetarë komunash nga VMRO-DPMNE janë: për Bitola – Toni Konjanovski, për Ohër – Kiril Pecakov, për Shtip – Ivan Jordanov, për Veles – Marko Kolev, për Kavadar – Mitko Jançev, për Gjevgjeli – Andon Saramandov, për Aerodrom – Dejan Miteski, për Butel – Darko Kostovski, dhe për Gjorçe Petrov – Aleksandar Stojkovski, shkruan Zhurnal.mk.
Nga partia njoftojnë se në mesin e korrikut do t’i shpallin edhe kandidatët e tjerë, përfshirë edhe favoritin për kandidaturën për kryetar të Shkupit, dhe se do të kenë konsultime edhe me partnerët e koalicionit.
Socialdemokratët janë të heshtur. Deri më tani kanë deklaruar vetëm se tre nga kryetarët aktualë të komunave të Qendrës, Krushevës dhe Kriva Pallankës do të kërkojnë votën e qytetarëve sërish. Partia më e madhe opozitare ka thënë se deri në fund të muajit do ta kompletojë listën e plotë të kandidatëve për kryetarë komunash, duke përfshirë edhe kandidatin e saj për qytetin e Shkupit.
Koalicionit “Vlen” i mungojnë edhe tre emra për ta kompletuar listën e kandidatëve për komunat me shumicë shqiptare. Priten kandidatët për Likovë, Haraçinë dhe Studeniçan.
Koalicioni “Vlen” do t’i rikandidojë kryetarët aktualë të Tetovës, Çairit dhe komunës së Zhelinës.
BDI ende nuk i ka zbuluar kandidatët për pozitat udhëheqëse në njësitë e vetëqeverisjes lokale. Partitë më të vogla politike që nuk janë pjesë e dy koalicioneve të mëdha të LSDM-së dhe VMRO-DPMNE-së kanë paralajmëruar pjesëmarrje të pavarur si për kryetarë komunash, ashtu edhe për këshilltarë. Zgjedhjet lokale pritet të mbahen në tetor të këtij viti. Kryetari i Kuvendit, Afrim Gashi, ka paralajmëruar shpalljen e zgjedhjeve në fund të korrikut ose në fillim të gushtit.//Zhurnal.mk