Dy qytetar të Shkupit aksidentohen në Rrugën e Arbrit

Bulqizë, 14 qershor – Dy shtetas të Maqedonisë së Veriut, të cilët po udhëtonin me një motoçikletë në autostradën “Rruga e Arbrit” në Shqipëri, pësuan lëndime të rënda pasi motoçikleta e tyre u përplas me një mur mbrojtës në rrugë.

Sipas policisë shqiptare, aksidenti ndodhi në seksionin Maqellarë – Bulqizë, pranë zonës “Ura e Çerenicës”, kur motoçikleta me targa të Shkupit, duke tejkaluar në mënyrë të paligjshme, humbi kontrollin dhe u përplas me murin mbrojtës.

Ata u dërguan fillimisht në spitalin e Bulqizës ku iu dha ndihma e parë, dhe më pas u transferuan në Klinikën e Traumatologjisë në Tiranë për trajtim më të specializuar.