Bankat tregtare ruajtën qëndrueshmi të fondit rezervë ose siç njihen ndryshe të provigjoneve, për kreditë me probleme, konform kërkesave regullatore të Bankës së Shqipërisë.
Banka e Shqipërisë bëri të ditur se, në qershor 2025 provigjonet mbuluan 66% të kredive me probleme. Ndërsa mbulimi me kolateral i kredisë mbetet në nivele të larta dhe gjatë periudhës u rrit me 2 pikë përqindje, në masën e 78% të kredive.
Kreditë me kolateral në formën e pasurive të paluajtshme zënë rreth 60% të kredisë së kolateralizuar ose 47% të tepricës së kredisë. Stoku i kredisë së kolateralizuar me pasuri të paluajtshme është zgjeruar me 18% në krahasim me një vit më parë, si rezultat i rritjes së kredisë së kolateralizuar me pasuri të paluajtshme rezidenciale
Fondi i provigjoneve është i lidhur drejtpërdrejtë me nivelin e kredisë me probleme. Shkalla e provigjoneve rritet kur shtohet numri i kredive me probleme, me vonesë shlyerje më shumë se 60 ditë.
Ndërkohë sipas të dhënave nga BSH-ja, kreditë me probleme kanë shënuar rënie gjatë vitit 2025. Në fund të korrikut 2025 kredia me probleme regjistroi nivelin 4, 04 %.
Ndërkohë, kredia për ekonominë në fund të muajit qershor 2025 shënoi vlerën 892,7 miliardë lekë, ose rreth ose 12 miliardë lekë më shumë se në muajin maj 2025