Hansi Flick ka mbajtur ADN-në sulmuese të Barcelonës pas barazimit 3-3 në Brugge dhe ka theksuar se nuk do të braktisë filozofinë e tij.
Klubi i Barcelonës po kritikohet jashtëzakonisht shumë për mbrojtjën e lartë që po aplikon, pasi po pranon shumë gola, por Flick thotë se nuk e ka ndërmend të heqë dorë nga ky stil i lojës, përcjell GazetaBlic Sport.
“Mund të flasim për ndryshimin e gjithçkaje, por unë nuk jam lloji i trajnerit për ta bërë këtë,” tha ai.
“Ne duam të jemi besnikë ndaj ADN-së sonë – jo të rrimë thellë dhe të fitojmë 1-0 në një kundërsulm.”
Flick gjeti anë pozitive: “3-3 nuk është ideale, por ne u rikthyem pas çdo goli – kjo është një shenjë pozitive.”
Gjermani mbetet i përkushtuar ndaj presionit të lartë dhe posedimit të topit, edhe nëse lë boshllëqe.