Këngëtarja e njohur, Dafina Zeqiri, këto ditë solli një tjetër projekt të ri muzikor.
Ajo realizoi një version të këngës “Dumlla Dumlla” në bashkëpunim me artistin nga Belgjika, Dystinct.
Kjo këngë e tyre ritmike u shpërnda gjithandej, por një pjesë e madhe nuk e pëlqyen atë.
Disa nga përdoruesit e rrjeteve sociale thanë se 35-vjeçarja i ka hyrë tashmë zhanrit tallava.
Fansave siç shihet nuk iu pëlqeu Dafina në këtë stil muzikor, meqë deri më tani ka qenë tërësisht ndryshe.
“Nuk e di si mundet më keq”, “Valla moti ia ka nis tallava, nuk është për t’u habitur”, “Është duke u bërë e mërzitshme”, “Dikur shante kolegët tani vetë”, “Turp” – qenë vetëm disa nga komentet.
Ky projekt në anën tjetër për tri ditë grumbulloi mbi 1.5 milion shikime në YouTube.
