Jashari pret në takim Ademin, pajtohen për thellim të bashkëpunimit mes FSK-së dhe FFK-së

nga L. M

Komandanti i Forcës së Sigurisë së Kosovës, Gjenerallejtënant Bashkim Jashari, priti sot në takim Presidentin e Federatës së Futbollit të Kosovës, Agim Ademi.

Gjatë këtij takimi, Jashari i uroi mirëseardhjen Ademit dhe e falënderoi atë për bashkëpunimin e shkëlqyer që ka ekzistuar ndërmjet Forcës së Sigurisë së Kosovës dhe Federatës së Futbollit të Kosovës (FFK), sipas memorandumeve të bashkëpunimit në fuqi.

Në takim u diskutua për rëndësinë e aktiviteteve sportive, duke theksuar rolin e tyre të rëndësishëm në përgatitjen fizike dhe morale të pjesëtarëve të FSK-së.

Gjithashtu u vlerësua se mbështetja reciproke dhe thellimi i bashkëpunimit nëpërmjet aktiviteteve dhe garave të ndryshme, do të ishte në dobi të dy institucioneve, si Forca e Sigurisë së Kosovës, ashtu edhe Federata e Futbollit të Kosovës.

Në fund të takimit, Jashari dhe Ademi u pajtuan për një bashkëpunim të vazhdueshëm në të ardhmen, duke shprehur angazhimin për rritjen e përpjekjeve të përbashkëta për zhvillimin e aktiviteteve sportive dhe përforcimin e lidhjeve ndërmjet dy institucioneve. /IndeksOnline/

https://www.facebook.com/share/p/1CNGQBEu6p

TË REKOMANDUARA

Kush jemi ne

Zhurnal.mk është Agjenci e Lajmeve e pavarur, e themeluar në vitin 2009, që e mbulon Maqedoninë, Kosovën, Shqipërinë edhe lajmet nga bota.

This website uses cookies to improve your experience. We'll assume you're ok with this, but you can opt-out if you wish. Accept Read More