Këngëtarja e famshme, Jessie J, ka zbuluar se është diagnostikuar me kancer të gjirit në fazë të hershme.
Në një video emocionuese, ajo iu drejtua ndjekësve dhe vuri në dukje se kishte kohë që mendonte ta ndante lajmin me publikun.
“Dua ta ndaj këtë me fansat e mi dhe njerëzit që kujdesen për mua. Gjithmonë kam qenë një person që ndaj gjithçka që më ndodh. Përpara se të dilte kënga No Secrets, më diagnostikuan me kancer të gjirit në fazat e hershme”, tha Jessie në Instagram.
Ajo e theksoi veçanërisht fjalën “herët”, duke vazhduar: “Kanceri është i tmerrshëm në çdo formë, por unë i përmbahem asaj fjale ‘herët’. Gjatë kësaj periudhe bëja vazhdimisht kontrolle dhe analiza”.
Artistja shpjegoi se dëshiron të jetë e hapur, jo vetëm për veten, por edhe për të tjerët.
“Sinqerisht, në mënyrë egoiste, nuk flas mjaftueshëm për këtë. Nuk e përpunoj sepse flas shumë. E di sa shumë më ka ndihmuar në të kaluarën kur kam ndarë momente të vështira. Njerëzit më mbështetën atëherë dhe ndanë historitë e tyre”, tha këngëtarja.
Në stilin e saj humoristik, shtoi se “po shikonte një shans të ri për të rritur gjoksin”.
“Një mënyrë shumë dramatike për të bërë një operacion në gjoks. Do të largohem për pak kohë. Duhet të bëj një operacion dhe pastaj do të kthehem me gjoks të madh dhe madje edhe më shumë muzikë”, tha ajo me shaka.
Në komente, miq dhe fansa të shumtë i dërguan asaj mesazhe mbështetjeje dhe dashurie.