Shkup, 25 shtator – Klubi i hulumtuesve të Bankës Popullore sot do të mbajë sesionin e 55-të në të cilin do të prezantohet “Modelimi i kërkesës afatshkurtër për paratë e gatshme në qarkullim në Maqedoninë e Veriut”, nga autorja Marija Stojkoska.
Sesionin do ta hapë guvernatori i Bankës Popullore, Trajko Sllaveski, ndërsa pas prezantimit të punës është parashikuar një diskutim.
Klubi i hulumtuesve të Bankës Popullore është platformë e hapur për prezantim dhe diskutimin e punimeve shkencore-kërkimore, veçanërisht në fushën e politikës monetare dhe makroekonomisë. Punimet që prezantohen në sesionet e Klubit duhet të jenë të përgatitura në përputhje me trendet dhe standardet e kërkimeve bashkëkohore, që nënkupton analizë empirike, si dhe përfundime të sistematizuara nga hulumtimi.
Në sesionet e Klubit, si platformë për diskutim dhe shkëmbim të mendimeve profesionale, mund të prezantohen edhe rezultate dhe njohuri nga hulumtime/punime në version pune. Sesionet janë me karakter publik dhe fotografitë nga ngjarja publikohen në ue faqen zyrtare të Bankës Popullore si dhe në profilet e saj në rrjetet sociale.