Shkup, 23 shtator – Korrupsioni, veçanërisht në formën e tij sistemike, është një kërcënim i drejtpërdrejtë i sigurisë që gërryen indin shoqëror, minon besimin në institucione, kompromenton drejtësinë dhe demokracinë dhe përfaqëson një nga kërcënimet më të mëdha për sigurinë. Studentët me cilësi më të lartë, ata që kanë dhënë më të mirën e tyre në kuadër të arsimit të tyre të lartë, nëse duan dhe kanë dëshirë, duhet të hyjnë në institucionet e sigurisë, të cilat duhet të përfaqësojnë vërtet themelin e një shteti modern demokratik dhe evropian.
Kjo u njoftua në hapjen e konferencës së 16-të shkencore ndërkombëtare me temën “Korrupsioni sistemik – kërcënimi më i madh për sigurinë; Qasje strategjike të sigurisë për zgjidhjen e sfidave komplekse” nën organizim të Fakultetit të Sigurisë – Shkup.
Ministri i Punëve të Brendshme, Pançe Toshkovski, në fjalimin e tij, paralajmëroi mundësinë e nënshkrimit të një memorandumi për bashkëpunim të MBP-së me Fakultetin e sigurisë, por edhe fakultetet tjera si i Drejtësisë, Ekonomik, të cilët kanë pika kontakti me fushën e sigurisë, me qëllim që studentëve më të mirë t’u mundësohet hyrje në institucionet shtetëtore, fushëveprimi i të cilave është siguria, të cilët, siç tha, duhet të jenë themeli i një shteti.
“Kemi bashkëpunim shumë të mirë midis MPB-së dhe Fakultetit, dhe është një nga bashkëpunimet kryesore që kemi me institucionet e arsimit të lartë. Mund të paralajmëroj se në përputhje me Ligjin e ri për Punët e Brendshme, do të kemi mundësinë me të gjitha institucionet e arsimit të lartë që synojnë fushën e sigurisë, dhe veçanërisht me Fakultetin e Sigurisë Shkup, të lidhim një Memorandum për bashkëpunim me të cilin personeli më i kualifikuar që do të dalë prej andej do të hyjë në kuadrin e institucioneve të sigurisë, aty ku e kanë vendin”, tha ministri Toshkovski.
Ai shprehu shpresën se kjo ide do të mbështetet edhe nga institucione të tjera të arsimit të lartë, si Fakulteti i Drejtësisë, Fakulteti i Ekonomisë dhe fakultete të tjera, të cilat do të mundësojnë që personeli i cilësisë më të lartë të hyjë në institucionet e sigurisë.
Ai shtoi se këtë vit, tema e konferencës është shumë aktuale dhe interesante në çdo shoqëri, veçanërisht në Ballkan, dhe theksoi se përmes diskutimeve, ekspertët do të kontribuojnë në aftësinë për t’u përballur me sfidat aktuale.