Kurti për takimin me Limajn: Kam bërë një ofertë konkrete që gjithçka të mbyllet sa ma shpejt dhe sa më mirë

Kryeministri në detyrë Albin Kurti, dha disa detaje për takimin me kryetarin e Nismës Socialdemokrate Fatmir Limaj për mundësitë e bashkëqeverisjes, raporton Ekonomia Online

Në konferencë për media, Kurti tha ka bërë një ofertë konkrete për Nismën që gjithçka të mbyllet sa ma shpejt dhe sa më mirë.

“Me Limajn kemi zhvilluar një takim. Unë si kryetari i partisë fituese. Kemi shprehur jo vetëm interesim, por edhe gatishmëri për të bashkëqeverisur me Nismën dhe në përputhje me këtë unë kam bërë edhe një ofertë konkrete për Nismën që gjithçka të mbyllet sa ma shpejt dhe sa më mirë. Kur këto bisedime të mbyllën me rezultatin final mund të flasim për të”, tha Kurti.