Ashtu si vitin e kaluar, kompania DMC e specializuar nw modifikim veturash vendosi ta modifikojë përsëri Revuelton, duke e bërë supermakinën italiane tashmë ekstreme edhe më të çmendur.
Me paketën e re të karrocerisë, ata i janë afruar më shumë modifikuesit të lartpërmendur të njohur për modifikimet e tij jashtëzakonisht ekstravagante, transmeton Telegrafi.
Njihuni me Revuelto Integrale dhe menjëherë kuptoni se Lancia nuk ka absolutisht asnjë lidhje me këtë makinë. Edhe këtu, i gjithë seti është bërë prej karboni, dhe sjell një pamje edhe më agresive dhe tërheqëse, duke i dhënë shije të gjithë dizajnit të makinës.
Pjesa e përparme është edhe pak e përmbajtur. DMC ka shtuar një ndarës të ri të përparmë prej fibre karboni me krahë aerodinamikë dhe ka modifikuar krahët, duke shtuar detaje prej karboni mat me hapje të rrjedhjes së ajrit.
Ndryshimet vazhdojnë përgjatë anës së makinës, ku janë instaluar pragje të reja anësore me skaje të theksuara aerodinamike drejt pjesës së pasme.
Fellne të reja me një diametër prej 22 inç në pjesën e pasme dhe një numër më të vogël në pjesën e përparme janë gjithashtu në dispozicion.
Gomat Pirelli P Zero Corsa vijnë standard, ndërsa blerësit mund të zgjedhin vetë përfundimin e rrotave.
Ndryshimet më radikale janë në pjesën e pasme. Një krah i ri i pasmë i frymëzuar nga ai i ofruar më parë në Aventador është shtuar në kapakun e motorit.
Nuk duket keq, të paktën derisa të aktivizohet spojleri i pasmë i fabrikës. Pika kryesore është një difuzor rrënjësisht i ridizajnuar me gjashtë tehe masive karboni.
Duke mos u ndalur vetëm te dizajni, DMC ka punuar edhe në mekanikë. Është instaluar një sistem shkarkimi prej çeliku inox dhe janë bërë rregullime të softuerit, duke rritur fuqinë deri në 1,115 kuaj-fuqi.
DMC planifikon të prodhojë vetëm 50 njësi të paketës Revuelto Integrale.
Çmimi i kompletit të plotë fillon nga 24,990 dollarë, por rritet në 39,990 dollarë nëse përfshihen rrota të reja.
Nëse dëshironi vetëm krahun e pasmë, do të paguani 6,990 dollarë për të.