Një i ri është arrestuar nga Policia e Tiranës, pasi lëvizte me armë zjarri si pasagjer në një taksi. Në kuadër të operaciopnit të koduar “Backseat” është vënë në pranga shtetasi Klodjan Shupli, 22 vjeç.
“Shërbimet e Forcës së Posaçme “Shqiponja”, pas sigurimit të informacionit se një shtetas, lëvizte i armatosur, me taksi, për të shmangur kontrollet e Policisë, kanë organizua operacionin policor të koduar “Backseat”. Si rezultat i veprimeve operacionale, tek Bulevardi i Ri, u ndalua taksia me të cilën lëvizte shtetasi K. Sh., 22 vjeç. Nga kontrolli fizik, iu gjet e iu sekuestrua 1 armë zjarri pistoletë.” – thuhet në njoftimin e bluve të kryeqytetit.
I riu akuzohet për veprën penale “Mbajtja pa leje dhe prodhimi i armëve, armëve shpërthyese dhe i municionit”, teksa materialet i janë referuan Prokurorisë së Tiranës, për veprime të mëtejshme.