Medaljet e Kosovës i vendosën si të Serbisë, Hoxhaj i reagon qeverisë hungareze: Po pasqyroni realitet fiktiv

Ish-ministri i Punëve të Jashtme të Kosovës, Enver Hoxhaj, ka reaguar ashpër ndaj publikimit të qeverisë hungareze, e cila i vendosi medaljet e Kosovës të fituara në Lojërat Olimpike si të Serbisë.

Hoxhaj në një postim në “X” ka shkruar se qeveria hungareze po pasqyron një realitet fiktiv.

“Harta e medaljeve olimpike e qeverisë hungareze duket se pasqyron një realitet fiktiv. Vendi i drejtë i Kosovës në hartë, së bashku me medaljet e fituara, është i pamohueshëm dhe do të mbetet gjithmonë aty. Më shumë fat herën tjetër me gjeografinë”, ka shkruar Hoxhaj.