Shkup, 27 maj – Sapo ka mbërritur në Kuvend – Projektligj për ratifikimin e Marrëveshjes midis Qeverisë së Republikës së Maqedonisë dhe Qeverisë së Mbretërisë së Bashkuar të Britanisë së Madhe dhe Irlandës së Veriut në lidhje me partneritetin për zbatimin e projekteve infrastrukturore. Asgjë nuk do të fshihet nga publiku dhe çdo detaj do të shpallet publikisht dhe do të jetë transparent, njoftoi koordinatori i grupit parlamentar të VMRO-DPMNE-së, Nikolla Micevski, në profilin e tij në Fejsbuk.
Kjo, thekson ai, është një marrëveshje historike dhe një gjë historike për vendin tonë.
“Së bashku me qytetarët, ne jemi angazhuar për rindërtimin e Maqedonisë dhe e bëjmë këtë çdo ditë. Ata janë partnerët tanë! Hekurudhë, konvikt për studentë, spitale, hidrocentrale dhe shumë projekte të reja. Pas marrëveshjes strategjike me Shtetet e Bashkuara të Amerikës – ky është edhe një tjetër sukses i madh për Republikën e Maqedonisë”, shkruan Micevski në Fejsbuk.