Shkup, 8 shtator – Ministri i Mbrojtjes Vlado Misajlovski dërgoi urime me rastin e 8 shtatorit, duke vlerësuar se Dita e Pavarësisë është simbol i vendosmërisë për të ndërtuar në mënyrë të pavarur të ardhmen tonë, por edhe një detyrim për të mbrojtur dhe zhvilluar atdheun për brezat e ardhshëm.
“Në atë mision, Armata e Maqedonisë është një nga shtyllat më të forta të shoqërisë sonë. Ushtarët tanë, me përkushtimin dhe sakrificën e tyre, jo vetëm që garantojnë sigurinë dhe integritetin territorial të shtetit, por përfaqësojnë edhe shembullin më të mirë të disiplinës, nderit dhe dashurisë për atdheun. Sot, Ushtria është një forcë moderne, profesionale, pjesë e barabartë e forcave aleate në NATO. Është provë se pavarësia nuk është vetëm një fjalë nga historia, por një përgjegjësi dhe detyrë e përditshme që e mbajmë para vetes dhe para botës!, thotë Misajlovski.
Ai thekson se pavarësia është një vlerë për të cilën jetohet dhe punohet çdo ditë dhe se me besim në të ardhmen dhe dashuri për atdheun, shteti do të vazhdojë të ndërtohet.