Shërbimi Meteorologjik Ushtarak bëri të ditur se ditën e martë territori i Shqipërisë do të vijojë të ndikohet nga kushte atmosferike të paqëndrueshme.
Moti parashikohet me alternime kthjellimesh në pjesën e parë të ditës kryesisht përgjatë Ultësirës Perëndimore e vranësira mesatare deri të dendura në relievet malore në verilindje e juglindje të territorit.
Vranësirat nga orët e mesditës parashikohen të shoqërohen me reshje shiu me intensitet të ulët e hera-herës lokalisht mesatar në formën e shtrëngatave afatshkurta kryesisht në jug. Nga orët e mbrëmjes reshjet humbasin territor dhe bëhen të karakterit lokal në veri.
Era do të fryjë me drejtim kryesor verilindje-veriperëndim me shpejtësi mesatare deri 6m/s, ndërsa në zonat luginore dhe përgjatë vijës bregdetare hera-herës do të arrjë deri 15m/s, me valëzimin në dete të forcës 1-2ballë.
Mjegull e dendur / mjegullinë dhe shikim i reduktuar në momentin e reshjeve të shiut si dhe në orët e para të mëngjesit kryesisht përgjatë zonave luginore.
Temperaturat parashikohen nga 5 në 22 gradë Celsius.