Nga plumbi qorr dëmtohet xhami i një dritareje në Prizren, identifikohet i dyshuari

Policia e Kosovës ka bërë të ditur një rast të shkaktimit të rrezikut të përgjithshëm në Prizren.

Në raportin policor thuhet se nga një predhë (plumb qorr) ishte dëmtuar xhami i dritares së një objekti.

“Është raportuar se nga një predhë (plumbi) qorr ishte dëmtuar xhami i dritares së një objekti. Në vendin e ngjarjes kanë dal njësit policore dhe kanë arritur që ta identifikojnë të dyshuarin, mashkull shtetas të Shqipërisë”, thuhet në raport.

Në konsultim me prokurorin, rasti shkon në procedurë të rregullt.