Shumë njerëz mendojnë se ushqimi që hanë në aeroplan ka një shije të çuditshme, dhe asistentët e fluturimit shpjegojnë pse ndodh kjo.
Konkretisht, ish-stjuardesa Mandy Smith shpjegoi për LADbible pse ushqimi ka shije të çuditshme gjatë fluturimeve dhe theksoi se doli që nuk ka të bëjë aq shumë me ushqimin sesa me njerëzit.
“Nuk është ushqimi që është i keq, por thjesht se receptorët e shijes janë të ndryshëm kur je në ajër. Presioni në kabinë ndikon në të gjithë trupin tënd, përfshirë receptorët e shijes. Gjithashtu, presioni ndikon në të gjitha proceset e tretjes dhe në trurin tënd”, tha Smith
Ndryshimi në aftësinë për të shijuar varet nga tre faktorë, përkatësisht presioni më i ulët i ajrit në kabinë, mungesa e lagështisë dhe niveli i rritur i zhurmës.
“Shija është një kombinim i të dyjave, dhe perceptimi i të kripurës dhe të ëmblës humbet në një kabinë me presion”, shpjegoi ajo.
Smith vazhdon duke argumentuar se ushqimi i kripur që do të provonit jashtë aeroplanit do të ishte më i kripur dhe do të kishte një shije më të fortë, sepse duhet të erëzohet më fort në aeroplan për shkak të situatës me receptorët e shijes.
“Përveç kësaj, alkooli mund të ketë një efekt më të fortë në trup në lartësi të madhe. Presioni i kabinës mund të rrisë përqendrimin e alkoolit në gjak deri në 50 përqind, kështu që një gotë verë në aeroplan mund t’ju bëjë më të dehur se zakonisht”, pohon ajo.