Nga Kimete Berisha
1. Donika Gërvalla i dhuroi lule Rifat Jasharit.
Burri i parë i Drenicës që pranoi lule për dhuratë.
Kryesisht burrave shqiptarë s’u dhurohet kurrgjë, është e panatyrshme, por nëse s’bën pa i dhënë diçka hedije…i
jepja…një…
jo, nuk e di çka, se s’më kanë ndodhur këso rastesh.
2. Vjosa Osmani, i angazhoi zyrtaret e AKI-së t’ia kthejnë shpinat dhe prapa-nicat e tyre kamerës.
– Ato në mënyrë profesionale i kthyen ato nga populli: qëlloja kush jam!
Spiunet kishin nevojë për dietë, si të gjithë, ishin veshur me komplete, ku spikaste ngjyra e jorgovantë…!
3. Vjosa Osmani nesër takohet me shefin e NATO-s….rast i mirë për të hipur mbi tanks për një foto.
4. Lumir Abdixhiku është tërbuar, për t’u ndjerë gjallë, se motiv nuk ka.
Askush nuk i ka faj që e ka bërë LDK-në të tretën.
– Ia ka mbyllur derën Albin Kurtit, pa i trokitur në derë.
– Pra, s’ka pasur çfarë refuzon, se nuk i ka ofruar kush gjë.
– Kryetari i LDK-së që e ka shndërruar partinë në OJQ (duke i larguar të gjithë ata që i konsideronte rivalë), po flet thuajse varet prej tij, dhe i ka ardhur dita t’i mbështes të gjithë për muri.
– E pse kujton ashtu?
5. Duke lexuar komente të tërbuara të militantëve të LDK-së (dhe të disa politikaneve gra të fshehura pas adresave anonime), m’u kujtua ‘sigurimi i atdheut’..
– LDK e ka pasur njëfarë shërbimi informativ…
e pasi që kurrë s’u mor vesh se çka u bë me të, ndoshta ende është aktiv….!
6. Atmosfera është depresive.
– Sipas statistikave botërore, gjysma e shqiptarëve janë në depresion, e gjysma tjetër janë të mërzitur, e ka edhe të atillë që për qejfi i gjuhën melankolisë.
– Shqiptarët merren me ushqim të trupit, se truri sinjalizon kur barku është i zbrazur (thonë arabët), por truri nuk sinjalizon kur vet është i zbrazur.
– Nuk merret kush me mërzinë tonë.
7. Sot, në gjendje palumturie e sipër, m’u kujtua Shimpanza Lili nga Shkupi, dhe për një çast i lakmova.
– Një njohëse e depresionit, Maria Wick, e ka pas zbuluar se të gjitha kafshët në trojet shqiptare (Kosovë, Maqedoni, Shqipëri), vdesin nga depresioni!
– Shimpanza Lili nga parku zoologjik i Shkupit (e cila i kuptonte 2000 fjalë anglisht), u sëmurë nga depresioni, dhe në gjendje të rëndë nervore, u dërgua të risocializohet në Holandë!
P.S. Për mua është e panatyrshme që autori dhe lexuesi të komunikojnë mes vete…
– Dhe, autorja t’i sqarohet lexuesit e t’i jap xhevap, për botëkuptimet e veta…aman…
atij lexuesit në depresion…!
– Disa lexues vijnë edhe në zyre të kërkojnë llogari apo të japin komplimente…
Disa të qortojnë në rrugë. Më së shpeshti kur kalojnë pranë meje thërtasin ‘Albini’!
– Është jonormale!
– Prandaj, mos më ço sms – nuk i lexoj, nuk i kthej, nuk i marr seriozisht.
– E-maila, mos.
Një burrë më luste dje në e-mail ‘të lutem më zhblloko’.
– Një grua më luste pardje t’ia zhbllokojë burrin.
– Sidomos tag mos ma bë, sepse unë jam ajo që e nisi muhabetin, nëse dua.
Nuk varet prej teje.
– Gjithmonë varet prej meje!