Fermeri Neim Besho nga fshati Pandalejmon në Livadhja Sarandë është i angazhuar në bujqësi ku kultivon perime mikse.
Ministrja e Bujqësisë dhe Zhvillimit Rural, Anila Denaj ndau në rrjete sociale historinë e tij ndërsa fermeri me mbështetjen e Skemës Kombëtare për masën e naftës ka më shumë lehtësi në kultivimin e 2 hektarëve tokë me perime mikse, ku përfshihen kultura si speca, patëllxhan dhe domate.
Denaj tha se fermeri Besho siguron prodhim të freskët dhe të kërkuar në treg duke ndikuar drejtpërdrejt në rritjen e ekonomisë rurale dhe fuqizimin e produkteve Made in Albania.
“Si përfitues i Skemës Kombëtare të Mbështetjes për masën e naftës, ka arritur të ulë kostot e prodhimit dhe të rrisë rendimentin, duke përmirësuar efikasitetin dhe forcuar qëndrueshmërinë ekonomike të fermës”, theksoi Denaj.
Denaj u shpreh se “përmes Skemës Kombëtare të Investimeve, me 50% grant dhe mbështetjes nga Kredia e Butë të kombinuar me Garancinë Sovrane, çdo fermer mund të përfitojë financim me normë interesi vetëm 2% dhe mbulim kolateral deri në 70%”.