Prokuroria e Posaçme Kundër Korrupsionit dhe Krimit të Organizuar deklaron se ndaj deputetit socialist Pandeli Majko nuk ka asnjë material kallëzues apo procedim penal.
“Pas verifikimeve të kryera në Regjistrin e Kallëzimeve Penale dhe Regjistrin e Protokollit në Prokurorinë e Posaçme kundër Korrupsionit dhe Krimit të Organizuar nuk rezulton asnjë material kallëzues apo procedim penal në ngarkim të shtetasit Pandeli Majko”, thuhet në reagimin zyrtar të SPAK.
Kryetari i PD-së deklaroi pak ditë më parë se deputeti i Partisë Socialiste ka rënë në përgjimet e SHISH si “kriminel elektoral” dhe se oficeri i SHISH që kreu përgjimet, sipas Berishës, “merr regjistrimin, përgatit dosjen dhe shkon e dorëzon në Skap. Po, dokument zyrtar”.
Ndaj kësaj deklarate, deputeti i PS, Pandeli Majko ka kërkuar nga SHISH ti vendos në dispozicion materialin e pretenduar nga Berisha