Juventusi nuk ka arritur objektivin e tij minimal të Ligës së Kampionëve duke u përballur me eliminimin në fazën ‘play-off’ dhe trajneri Thiago Motta do të jetë ‘nën vëzhgim’ deri në fund të sezonit për të ruajtur karrigen e tij.
Bianconerët humbën 3-1 ndaj PSV Eindhoven të mërkurën mbrëma dhe u eliminuan nga ‘play-off’-i i Ligës së Kampionëve me një humbje të përgjithshme 4-3.
Sipas Gazzetta dello Sport, arritja në fazën e 1/8-tës në Ligën e Kampionëve ishte objektivi minimal për Zonjën e Vjetër dhe kështu, Motta do të jetë nën vëzhgim deri në fund të sezonit.
Bianconerët tashmë nuk arritën të sigurojnë finalen e Superkupës së Italisë këtë sezon duke humbur ndaj Milanit në gjysmëfinalen e janarit.
Ata janë ende në çerekfinalen e Kupës së Italisë dhe janë në vendin e katërt në Serie A, duke qenë me pikë të barabarta me Lazion, nga 46 pikë.
Motta nënshkroi një kontratë trevjeçare në Torino verën e kaluar dhe pavarësisht mbështetjes publike të klubit, ai duhet të sigurojë kualifikimin në Ligën e Kampionëve këtë sezon për të qëndruar në krye të ekipit edhe në sezonin 2025/26.