87
Pas ditës së parë të bisedimeve të tërthorta të paqes në Egjipt midis Izraelit dhe Hamasit, presidenti amerikan Donald Trump u tha gazetarëve se ka një “shans vërtet të mirë” që të arrihet një marrëveshje paqeje, raporton BBC.
Ai u tha gazetarëve në Zyrën Ovale të hënën: “Ne kemi një shans vërtet të mirë për të bërë një marrëveshje. Dhe do të jetë një marrëveshje e qëndrueshme; ne duam të kemi paqe”.
Trump shtoi se Hamasi ka rënë dakord për gjëra “shumë të rëndësishme” gjatë bisedimeve.
Një ditë para se të fillonin bisedimet, presidenti amerikan kishte paralajmëruar të dyja palët që të “lëvizin SHPEJT”, ose rrezikojnë më shumë gjakderdhje.