Komisioni Qendror i Zgjedhjeve në Shqipëri ka bërë të ditur se zgjedhjet e pjesshme në gjashtë bashki të vendit do të kushtojnë rreth 306 milionë lekë (afro 3 milionë euro).
Komisioneri Ilirjan Celibashi tha se kjo shumë mbulon të gjithë logjistikën, përfshirë personelin dhe përdorimin e pajisjeve të identifikimit elektronik.Zgjedhjet do të mbahen më 9 nëntor në bashkitë Tiranë, Vlorë, Berat, Mat, Tepelenë dhe Cërrik. Fushata elektorale pritet të zgjasë vetëm një javë, nga 1 deri më 8 nëntor.