Holanda do t’i sigurojë Ukrainës 100 radarë për zbulimin e dronëve dhe 20 automjete evakuimi mjekësor si pjesë e një pakete të re ndihme prej 175 milionë eurosh (202 milionë dollarë), tha të martën ministri holandez i Mbrojtjes, Ruben Brekelmans.
Dorëzimi i radarëve, të cilët do të ndihmojnë në identifikimin e dronëve që vijnë dhe transmetimin e të dhënave në sistemet e mbrojtjes ajrore, pritet të përfundojë deri në fund të vitit, shkruajnë mediat e huaja.
Në një deklaratë të premten, Ministria holandeze e Mbrojtjes specifikoi se 80 milionë euro nga paketa do të shkojnë për mbështetjen e dronëve përmes koalicionit ndërkombëtar të dronëve.
Lëvizja e së martës vjen pas një marrëveshjeje prej 500 milionë eurosh për të prodhuar 600,000 dronë me industrinë e mbrojtjes ukrainase, tha Brekelmans përpara një Samiti të NATO-s në Hagë.
Holanda ka premtuar rreth 10 miliardë euro në mbështetje ushtarake për Ukrainën që nga fillimi i pushtimit të plotë rus në fillim të vitit 2022.