Një video qesharake po qarkullon në rrjete sociale dhe tregon dy qenë të racës labradorë duke hyrë në një pompë benzini dhe duke “vjedhur” bukë nga rafti.
Bëhet e ditur se dyshja e qenve është kapur nga kamera duke shëtitur në Leintwardine, Herefordshire të Anglisë, pa pronarin e tyre.
Pasi u kapën në flagrancë, punonjësit e dyqanit shpejt bashkuan qentë me pronarin e tyre të ligjshëm.
“Kjo ndodhi rreth orës 07:30 të mëngjesit dhe ne nuk e vumë re në fillim. Vetëm kur njëri prej tyre erdhi duke vrapuar me një copë bukë në gojë, menduam se çfarë po ndodh këtu”, tha menaxheri i dyqanit, Alan Link.
Ai tha me shaka: “Unë ju thashë të merrnin një shishe verë, e jo një copë bukë”.
Për të zbuluar se kujt i përkasin qentë, dyqani apeloi në rrjete sociale.
“A ka humbur dikush dy labradorë të zinj? Nëse po, ne i kemi”, thuhej në apel.