Shkup, 2 qershor – Izet Mexhiti ndjek nga afër stërvitjen ndërkombëtare “Përgjigje e Shpejtë 2025” në Krivollak
Zëvendëskryeministri i parë Izet Mexhiti ka ndjekur sot nga afër stërvitjet ushtarake shumëkombëshe që po zhvillohen në Krivollak, në kuadër të ushtrimit “Përgjigje e Shpejtë 2025”, pjesë e operacionit më të madh të NATO-s për këtë vit – DEFENDER Europe 25.
Në stërvitje marrin pjesë pjesëtarë të forcave të armatosura nga Maqedonia e Veriut, SHBA-ja, Shqipëria, Kosova, Greqia, Italia, Mali i Zi, Mbretëria e Bashkuar dhe Austria.
Mexhiti theksoi se pjesëmarrja në këtë ushtrim është dëshmi e angazhimit të vendit për sigurinë kolektive dhe forcimin e kapaciteteve mbrojtëse, si dhe për ndërtimin e ndërveprueshmërisë me aleatët strategjikë të NATO-s.