Arrestohet e dyshuara në Prishtinë, sulmoi për herë të dytë viktimën

Një grua është arrestuar të shtunën pasdite në Prishtinë nën dyshimin se ka sulmuar fizikisht një grua tjetër.

Policia ka njoftuar në raportin 24-orësh se e dyshuara e ka sulmuar viktimën edhe më parë.

“Është arrestuar e dyshuara femër kosovare pasi që e njëjta ka sulmuar fizikisht viktimën femër kosovare e cila para disa kohe ishte e sulmuar po nga e njëjta e dyshuar”, thuhet në njoftim.

Rasti është cilësuar si “Sulm” dhe “Asgjësim apo dëmtim i pasurisë”.

Pas intervistimit, me urdhër të prokurorit, e dyshuara është dërguar në mbajtje.