79
Briseida Çakërri u betua sot si deputete e Kuvendit të Shqipërisë nga radhët e Partisë Socialiste.
Çakërri zuri vendin e Brunilda Mersinit, e cila dha dorëheqjen nga mandati, pasi do të kandidojë për kryetare bashkie në zgjedhjet e pjesshme lokale që do të mbahen në Vlorë, më 9 nëntor.
“Në konkluzion, Këshilli vlerësoi se deputetja Briseida Çakërri nuk rezulton të ketë asnjë paligjshmëri në zgjedhje për t’u betuar si deputete”, u shpreh Bledi Çomo, teksa lexoi raportin e Këshillit për Rregulloren, Mandatet dhe Imunitetin.
Mandati i kaloi Çakërrit në mbledhjen e Komisionit Qendror të Zgjedhjeve (KQZ), si pasuesja në listën e kandidatëve të zgjedhjeve parlamentare të 11 majit, me më shumë vota.