Gjeorgjia bën surprizën, debutuesit mundin Portugalinë dhe kualifikohen për në 1/8-at

Gjeorgjia është një nga surprizat më të mëdha të Europianit, pas fitores 2-0 përballë Portugalisë në Gelsenkirshen.

Sfida nisi mjaft mirë për gjeorgjianët, të cilët kaluan në avantazh me Kvaratskhelian që në minutën e 2’ të takimit. Portugezët provuan me Ronaldon dhe Felix, por pa mundur dot ta gjenin golin e barazimit, me gjeorgjianët që dyfishuan shifrat në minutën e 57’ me Mikautadze falë një penalltie.

Kështu Gjeorgjia avancon për më tej, duke u kualifikuar si një nga katër vendet e treta më të mira, ndërsa Portugalia e kishte siguruar që pas takimit me Turqinë vendin e parë në Grupin F.