Deputeti i Partisë Demokratike, Gjin Gjoni, prezantoi sot para Komisionit për Çështjet Ligjore dhe Administratën Publike kërkesën e grupit parlamentar të PD-së për shkarkimin e Presidentit Bajram Begaj.
Partia Demokratike argumenton se Presidenti Begaj ka kryer shkelje të Kushtetutës në të paktën shtatë raste.
“Janë 21 prova shkresore, në 224 faqe, që dëshmojnë seriozitetin e procedurës që kemi iniciuar. Jemi të bindur se Begaj nuk mund të jetë de jure kryetar i shtetit dhe përfaqësues i unitetit të popullit, funksione që i ka humbur prej kohësh tashmë”, tha Gjoni.
Sipas tij, Begaj ka kryer shtatë shkelje të Kushtetutës dhe ligjit, që përbëjnë shkaqe të mjaftueshme për shkarkimin e tij nga detyra.
Shkelja e parë, tha Gjoni, është dekreti antikushtetues për zgjedhjet e pjesshme në Tiranë. “Presidenti Begaj ka kryer shkelje të rëndë të Kushtetutës duke ushtruar një kompetencë që nuk i kishte lindur ende dhe që kishte pengesa kushtetuese për ta ushtruar në atë moment. Ai synoi të ngushtonte kompetencat e Gjykatës Kushtetuese me shkarkimin e një të zgjedhuri vendor, duke futur në ngërç zgjedhjet në Bashkinë e Tiranës dhe duke shkaktuar konfuzion tek zgjedhësit. Ka shfaqur mungesë paanësie, duke iu nënshtruar vullnetit të Kryeministrit, çka dëmton balancat mes pushteteve, dhe ka ndërhyrë drejtpërdrejt në autonominë e pushtetit vendor”.
Shkelja e dytë është ndërprerja e mandatit të një anëtari të Gjykatës Kushtetuese. “Kjo shkelje përbën ndërhyrje në pavarësinë e Gjykatës Kushtetuese, duke krijuar pasiguri tek gjyqtari, dhe në këtë rast nuk i kishte lindur ende e drejta kushtetuese për të bërë një kërkesë të tillë”, vijoi Gjoni.
E kuptova! Po riformuloj pjesën që lidhet me shkeljet e tjera duke ruajtur vijueshmërinë e fjalimit të Gjin Gjonit, pa e ndarë në pika artificiale:
Ai më tej parashtroi dhe shkeljet e tjera. “Shkelja e tretë lidhet me dekreti antikushtetues për komisionet hetimore. Në kundërshtim me Kushtetutën, duke injoruar të drejtën e deputetëve të opozitës për kontroll parlamentar dhe duke injoruar fuqinë detyruese të disa vendimeve të Gjykatës Kushtetuese, dekretoi shpalljen e një ligji antikushtetues që ndryshonte ligjin ekzistues të komisioneve hetimore, duke mos përmbushur rolin e tij për unitetin kombëtar dhe për të moderuar konfliktin politik në vend.
Shkelja tjetër është “dekreti antikushtetues i ministres virtuale Diella, duke shërbyer në kundërshtim me rolin dhe përgjegjësinë e tij kushtetuese, qëllimet propagandistike të kryeministrit Edi Rama duke rrëzuar seriozitetin e institucionit. Presidenti krijon një ministër virtual i cili nuk përmbush cilësitë kushtetuese të emërimit të tij”.
“Shkelja numër pesë është refuzimin për ndalimin e përfshirjes së trupit diplomatik në fushatë elektorale. Lejoi përfshirjen e trupës diplomatike në fushatën elektorale duke krijuar pabarazi në garën e 11 majit. Begaj dështoi të ruaj rolin e tij mbi palët.
Shkelja numër gjashtë është ndërhyrja antikushtetuese përmes kabinetit të tij në procesin zgjedhor në kundërshtim me kushtetutën, ka lejuar përfshirjen e kabinetit të tij në faza të hershme zgjedhjeve, duke injoruar përgjegjësitë kushtetuese të presidentit të republikës. Edhe në këtë rast Begaj nuk ishte mbi palët”.
“Shkelja numër shtatë janë përfitimet personale të tij dhe të të birit në shkelje flagrante të Kushtetutës. Ka vijuar të ushtrojë veprimtari personale në forcat e armatosura, në spital në kundërshtim me kushtetutës. Ndërkohë që i biri rezulton student mjekësie, ai paguhet nga një kompani private në Shqipëri në shumën 2500 euro në muaj. Vetëm 24 vjeç por është i katërti më i paguar në një kompani. Kjo kompani ka përfituar tenderët publik që pas betimit të Begajt në detyrë”, tha Gjoni.
Gjoni në fund tha se këto shtatë shkelje të Kushtetutës janë një argument i mjaftueshëm për shkarkimin e kreut të shtetit.