250
Instituti i Gjeoshkencës informoi se pasditen e sotme dhe nesër, 29 janar, vendi ynë do të përfshihet nga reshje shiu mesatare deri lokalisht intensive në disa qarqe.
Sipas IGEO, reshjet e dendura do të përfshijnë qarqet Shkodër, Kukës, Lezhë, Tiranë, Durrës, Vlorë dhe Gjirokastër, ndërsa në qarqet e tjera priten reshje mesatare.
Reshjet pritet të shoqërohen me shtrëngata në të gjitha qarqet.
Shtrëngatat dhe intensiteti i lartë i reshjeve për momente të shkurtra mund të krijojnë probleme të ndryshme si dhe vërshime të ujit në zonat urbane në varësi të sistemit të kanalizimeve në qarqet Shkodër, Kukës, Lezhë, Vlorë dhe Gjirokastër.
Sot pasdite era pritet të fryjë mesatare deri e fortë, ndërsa nesër pritet të fryjë e lehtë deri mesatare.