Kina krijoi gjithsej 11.98 milionë vende të reja pune në zonat urbane në 11 muajt e parë të vitit, treguan të dhënat zyrtare nga Ministria e Burimeve Njerëzore dhe Sigurimeve Shoqërore, citon “Xinhua”.
Që nga fillimi i këtij viti, situata e punësimit ka qenë përgjithësisht e qëndrueshme te të rinjtë, përfshirë të diplomuarit, ndërsa shkalla e punëtorëve migrues në zonat rurale vazhdoi të rritet.
Këtë vit, ministria vazhdoi të zbatonte politika të tilla si ulja e tarifave të sigurimit për papunësinë apo dëmtimet në punë, të cilat u vendosen sipërmarrjeve, si dhe forcimin e mbështetjes për subjektet e biznesit në fusha të ndryshme.
Sipas të dhënave, gjatë periudhës janar-shtator, gjithsej 80.2 miliardë juanë (11.2 miliardë dollarë amerikanë) u lëshuan në subvencione punësimi për ndërmarrjet në mbarë vendin, për të inkurajuar punësimin.
