Ministrja e Turizmit dhe Mjedisit, Mirela Kumbaro ndau sot përshtypjet e turistëve, të cilët kanë zgjedhur Velipojën për të pushuar.
Kumbaro theksoi se në Velipojë aksesi i shtuar në plazhe dhe shërbime publike ka krijuar përvoja fantastike të turizmit bregdetar si dhe pushues të kënaqur.
“Këtë sezon është hera e dytë, kam qenë dhe në qershor. Herën e fundit kam qenë në 2019, dhe prej atëherë deri sivjet ka përmirësim. Është zhvilluar Velipoja më shumë. Duhet me ardhë në Velipojë se është mirë për kalimin e pushimeve”, tha një turist.
“Ditën e dytë kemi zgjedhur hapësirat publike edhe është shumë mirë. Kjo po më pëlqen. Ndoshta për herë të parë është për t’u ndarë hapësirat publike. Përgjithësisht, po më pëlqen se hapësira të mëdha edhe vendet publike, edhe njerëzit janë një mikpritës”, u shpreh një tjetër turist
“Shumë mirë, mjaftueshëm është”, theksoi një tjetër, teksa një turist tjetër u shpreh se, “po kushtet të mira janë”.
“Pastërti shumë, të gjithë të mirat janë”, theksoi një tjetër.
Një turist nga Kosova u shpreh se, “kur kam shkelur për herë të parë në Shqipëri në 2009-ën këtu kam ardhur dhe prej atëherë rregullisht vij çdo vit”.